മഞ്ചേശ്വരം, മേയ് 12, 2025: റിപ്പോർട്ടർ ടിവി ചാനലിന്റെ വ്യാജവാർത്താ നിർമ്മാണ ത്തിനെതിരെ മുസ്‌ലിം യൂത്ത് ലീഗ് സംസ്ഥാന ജനറൽ സെക്രട്ടറി പി.കെ. ഫിറോസ്ന്റെ മിന്നൽ പ്രഹരം. “ഇല്ലാത്ത പാക് ഷെല്ലാക്രമണം” മുതൽ “എല്ലാ എയർപോർട്ടുകളും അടച്ചു” എന്ന കെട്ടിച്ചമച്ച കഥകൾ വരെ ജനങ്ങൾക്ക് വിളമ്പിയ റിപ്പോർട്ടർ, ഇപ്പോൾ യൂത്ത് ലീഗിനെ “പിടിച്ചടക്കാൻ” പി.കെ. ഫിറോസ് ശ്രമിക്കുന്നു എന്ന തട്ടുകെട്ട് ആരോപണവുമായി രംഗത്തെത്തിയിരിക്കുന്നു. “പാലക്കാട്ടെ യൂത്ത് ലീഗിൽ പൊട്ടിത്തെറി” എന്നും “മെമ്പർഷിപ്പ് മുറിക്കൽ” എന്നും കല്പിതകഥകൾ മെനഞ്ഞെടുത്ത ചാനലിനെ “വാർത്താ തട്ടിപ്പിന്റെ കലവറ” എന്ന് വിശേഷിപ്പിച്ച് ഫിറോസ് തീവ്രവിമർശനം ഉയർത്തി.
റിപ്പോർട്ടർ ചാനലിന്റെ വാർത്താ അടുക്കളയിൽ കുക്ക് ചെയ്യുന്നവർക്ക് ഒരു കാര്യം മനസ്സിലാക്കാം. യൂത്ത് ലീഗ് ഒരു ജനകീയ സംഘടനയാണ്, നിന്റെ വ്യാജ വാർത്തകൊണ്ട് പിടിച്ചടക്കാവുന്ന മുറിമരമല്ല!” എന്ന് ഫിറോസ് മുഖം നോക്കാതെ താക്കീത് ചെയ്തു. “നിന്റെ വ്യാജനിർമ്മിതികൾക്ക് മുന്നിൽ പേടിച്ച് പിന്മാറുന്നവർ ആരെങ്കിലും ഉണ്ടാവും, പക്ഷെ ഞങ്ങൾ ആ കൂട്ടത്തിലല്ല. എത്ര വ്യാജ വാർത്തകൾ കൊണ്ടുവന്നാലും ഞങ്ങൾ തളരില്ല, മടങ്ങില്ല!” എന്ന് അദ്ദേഹം കനലോടെ പ്രഖ്യാപിച്ചു.
“പ്രകാശത്തിന്റെ മൂന്നിരട്ടി വേഗതയിൽ ബിഗ് ബ്രേക്കിങ് വാർത്തകൾ കൊണ്ടുവരുന്ന റിപ്പോർട്ടറിനോട് ഒന്നേ പറയാനുള്ളൂ – നിന്റെ തട്ടിപ്പിന്റെ മുഖംമൂടി ഞങ്ങൾ വലിച്ചുകീറും!” എന്ന് പരിഹസിച്ച ഫിറോസ്, ചാനലിന്റെ “വാർത്താ തട്ടുകട”ക്കെതിരെ മൂർച്ചയെറിയ വാക്കുകളുമായി ജനങ്ങളെ ഒപ്പം നിർത്തി. “മെമ്പർഷിപ്പ് മുറിക്കൽ, സംസ്ഥാന കമ്മിറ്റി പ്രഖ്യാപനം എന്നൊക്കെ പറഞ്ഞ് ജനങ്ങളെ കബളിപ്പിക്കാൻ ശ്രമിക്കുന്നത് അവസാനിപ്പിക്കണം. യൂത്ത് ലീഗിന്റെ ഐക്യവും ശക്തിയും തകർക്കാൻ ഈ കള്ളക്കഥകൾക്ക് കഴിയില്ല!” എന്ന് അദ്ദേഹം വ്യക്തമാക്കി.
പാലക്കാട് എന്താണ് യഥാർത്ഥത്തിൽ?
റിപ്പോർട്ടർ ടിവിയുടെ കെട്ടുകഥ പ്രകാരം, പാലക്കാട് യൂത്ത് ലീഗിൽ പി.കെ. ഫിറോസ് “ഇഷ്ടക്കാരെ തിരുകിക്കയറ്റി” എന്ന ആരോപണത്തെ തുടർന്ന് “പൊട്ടിത്തെറി” ഉണ്ടായി. എന്നാൽ, ഈ വാർത്ത പൂർണമായും വ്യാജമാണെന്നും, യൂത്ത് ലീഗിന്റെ ആഭ്യന്തര കാര്യങ്ങളെ വളച്ചൊടിച്ച് സംഘടനയുടെ പ്രതിച്ഛായ മലിനപ്പെടുത്താനുള്ള ഗൂഢനീക്കമാണിതെന്നും ഫിറോസ് വെളിപ്പെടുത്തി. “ഞങ്ങൾക്കെതിരെ സംസാരിച്ചാൽ വ്യാജ വാർത്തകൾ കൊണ്ടുവരുമെന്നാണോ? ആയിക്കോട്ടെ, ഞങ്ങൾ ഒരിക്കലും വിട്ടുകൊടുക്കില്ല!” എന്ന് അദ്ദേഹം വെല്ലുവിളിച്ചു.