വോയിസ് ഓഫ് മഞ്ചേശ്വരം
മഞ്ചേശ്വരം, ഷിറിയ:
മഴയും കാറ്റും ശക്തിപ്പെടുന്ന പശ്ചാത്തലത്തിൽ, മംഗൽപാടി പഞ്ചായത്ത് 15-ാം വാർഡിലെ ഷിറിയയിലെ ചെറിയ പള്ളി കെ.എസ്.ഇ.ബി ട്രാൻസ്‌ഫോർമറിന് മുകളിലൂടെ തഴുകി കടക്കുന്ന വൻ വൃക്ഷ ശിഖരങ്ങൾ ദുരന്തഭീഷണിയായി തുടരുന്നു. ഇലക്ട്രിസിറ്റി ദുരന്തത്തിന് ഇടയാക്കാവുന്ന രീതിയിലാണ് മരക്കമ്പികൾ ട്രാൻസ്‌ഫോർമറിന് മുകളിലൂടെ ചുളിയുന്നത്. ഇവ കാറ്റിലും മഴയിലും തകരാൻ സാധ്യതയുള്ളതാണ്.
അപകടഭീഷണിയുള്ള മരങ്ങൾ അടിയന്തരമായി മുറിച്ചുമാറ്റണമെന്ന് ആവശ്യമുയർന്നിട്ടും കെ.എസ്.ഇ.ബി ഉൾപ്പെടെയുള്ള അധികാരികൾ ഇതുവരെ കാര്യമായ നടപടികളിലേക്ക് നീങ്ങിയിട്ടില്ല. ഈ ട്രാൻസ്‌ഫോർമറിനോട് ചേർന്ന് മദ്രസ, അംഗൻവാടി, പള്ളി, നിരവധി വീടുകൾ എന്നിവ സ്ഥിതി ചെയ്യുന്നു. അതിനാൽ ഇതൊരു ഗുരുതര പൊതുജന സുരക്ഷാ പ്രശ്നമായാണ് ജനങ്ങൾ കാണുന്നത്.
ഇതേ പ്രദേശത്തുള്ള അംഗൻവാടിയിൽ കഴിഞ്ഞ മാസം സംഭവിച്ച അപകടത്തെ തുടർന്നും ഈ പ്രശ്നം അധികൃതർ ഗൗരവത്തോടെ സമീപിക്കാത്തതിൽ ജനങ്ങളിൽ രോഷവും ഭയവും കൂടിയിട്ടുണ്ട്. പൊളിഞ്ഞ മേൽക്കൂരകൾ ഇന്നും അങ്ങിനെയാണ് നിലനിൽക്കുന്നത്.
. അതിനാൽ അടിയന്തിരമായി ഉചിതമായ ഇടപെടലാണ് ആവഷ്യം.
ആവശ്യങ്ങൾ:
കെ.എസ്.ഇ.ബി ട്രാൻസ്‌ഫോർമറിന് മുകളിലൂടെയുള്ള മരങ്ങൾ മുറിച്ചുമാറ്റുക.
സ്ഥലപരിസരത്തെ സുരക്ഷ ഉറപ്പാക്കുക.
അപകടഭീഷണിയുള്ള അംഗൻവാടിയുടെ അടിസ്ഥാന സൗകര്യങ്ങൾ പുനഃസ്ഥാപിക്കുക.
ഉത്തരവാദ കമിറ്റികളും പഞ്ചായത്ത് ഭരണനേതൃത്വവും KSEB അധികൃതരും സ്ഥലം സന്ദർശിച്ച് പ്രത്യക്ഷത്തിൽ വിലയിരുത്തണം.
വോയിസ് ഓഫ് മഞ്ചേശ്വരം – പൊതുസുരക്ഷയ്ക്ക് വേണ്ടി ഒരിക്കലും പിന്നോട്ടില്ല