വോയിസ് ഓഫ് മഞ്ചേശ്വരം ന്യൂസ് പോർട്ടൽ
മഞ്ചേശ്വരം, ജൂൺ 05, 2025: NH-66 തലപ്പാടി-ചെങ്കള ഭാഗത്ത് മംഗൽപാടി പഞ്ചായത്തിലെ ഉപ്പള ഗേറ്റിൽ തുടർച്ചയായ അപകടങ്ങൾ ജനങ്ങളെ ഭീതിയിലാഴ്ത്തുന്നു. കഴിഞ്ഞ ദിവസങ്ങളിൽ നിരവധി വാഹനങ്ങൾ അപകടത്തിൽപ്പെടുകയും അഞ്ചിലധികം പേർ മരണപ്പെടുകയും ചെയ്തു. റോഡിന്റെ ടാറിംഗിലെ പാളിച്ചകളും മിക്‌സിംഗ് അപാകതകളുമാണ് പ്രധാന കാരണം.
ഈ ഗുരുതര വിഷയത്തിൽ അടിയന്തിര പരിഹാരം ആവശ്യപ്പെട്ട് മഞ്ചേശ്വരം ജില്ലാ പഞ്ചായത്ത് അംഗം ഗോൾഡൻ അബ്ദുൽ റഹ്മാൻ നേതൃത്വത്തിൽ ജില്ലാ കളക്ടർക്ക് നിവേദനം സമർപ്പിച്ചു. കാസർഗോഡ് ജില്ലാ പഞ്ചായത്ത് അംഗങ്ങളായ യൂത്ത് കോൺഗ്രസ് സംസ്ഥാന ജനറൽ സെക്രട്ടറി ജോമോൻ ജോസ്, ഗീത കൃഷ്ണ, ജാസ്മിൻ കബീർ ചെർകള, കമലക്ഷി വോർകാടി എന്നിവർ നിവേദനം നൽകാൻ കളക്ടറെ നേരിട്ട് കണ്ടു.
ആവശ്യങ്ങൾ
റോഡ് പാളിച്ചകൾ പരിഹരിക്കുക: ടാറിംഗ്,മിക്‌സിംഗ് പ്രശ്നങ്ങൾ ഉടൻ തിരുത്തണം.
സുരക്ഷാ നടപടികൾ: ULCC-യും NHAI-യും അപകട മേഖലകൾ പരിശോധിച്ച് ,വേണ്ട ഡ്രെയിനേജ് സംവിധാനം ഒരുക്കണം
അടിയന്തിര ഇടപെടൽ: ജനങ്ങളുടെ ജീവൻ സംരക്ഷിക്കാൻ അധികൃതർ ഉടൻ നടപടിയെടുക്കണം
ഉപ്പള ഗേറ്റ് ജനങ്ങൾക്ക് ഭീഷണിയാണ്. ULCC-യുടെ അനാസ്ഥ അവസാനിപ്പിച്ച് സുരക്ഷ ഉറപ്പാക്കണം,”
വോയിസ് ഓഫ് മഞ്ചേശ്വരം ജനങ്ങളുടെ ശബ്ദമായി ഈ വിഷയത്തിൽ ശക്തമായി വാദിക്കുന്നു.
വോയിസ് ഓഫ് മഞ്ചേശ്വരം ന്യൂസ് പോർട്ടൽ
നിങ്ങളുടെ ശബ്ദം, നമ്മളുടെ ശക്തി