🔥 ശവ്വാൽ 4-ന് ആത്മീയ സംഗമം: ഖുതുബുൽ ആലം സി.എം വലിയുല്ലാഹി (റ) ആണ്ട് നേർച്ചയ്ക്ക് ദുബൈയിൽ പ്രചാരണത്തിന് തുടക്കം

ദുബൈ: ശവ്വാൽ 4-ന് ഖുതുബുൽ ആലം സി.എം വലിയുല്ലാഹി (റ)യുടെ തറവാട്ടിൽ നടക്കാനിരിക്കുന്ന 36-ാമത് ആണ്ട് നേർച്ചയുടെ ഭാഗമായി ദുബൈ സാവിയതുൽ മദീനതുൽ മുനവ്വറ ഓഫീസിൽ പ്രചാരണ ഉദ്ഘാടനം ആത്മീയ സൗഹൃദാന്തരീക്ഷത്തിൽ സംഘടിപ്പിച്ചു. സി.എം മുഹിബ്ബീൻമാരുടെ സാന്നിധ്യത്തിൽ ലളിതവും ആത്മീയ ഭാവവും നിറഞ്ഞ രീതിയിലായിരുന്നു ചടങ്ങ്.

സി.എം വലിയുല്ലാഹിയുടെ സഹോദര പൗത്രനായ സി.എം മുഹമ്മദ് മാലിക് ലത്തീഫി പ്രചാരണ പ്രവർത്തനങ്ങൾക്ക് തുടക്കം കുറിച്ചു. ചടങ്ങിൽ അൻവാറുൽ മദീനയുടെ ഫൗണ്ടറും പ്രസിഡന്റുമായ നൂറു സ്വാലിഹീൻ ഹമീദ് ബാബ ഷിറിയ പങ്കെടുത്ത് ആണ്ട് നേർച്ചയുടെ ആത്മീയ പാരമ്പര്യവും മഹാനായ വലിയുല്ലാഹിയുടെ സേവനപാതയും ഓർമ്മപ്പെടുത്തി.

ശവ്വാൽ 4-ന് തറവാട്ടിൽ നടക്കുന്ന ആണ്ട് നേർച്ചയിൽ ദേശത്തിനകത്തും വിദേശത്തുമുള്ള ആയിരക്കണക്കിന് മുഹിബ്ബീൻമാർ പങ്കെടുക്കുമെന്ന് സംഘാടകർ അറിയിച്ചു. ആത്മീയ ഐക്യത്തിന്റെയും മഹ്ബ്ബത്തിന്റെയും സന്ദേശം പകരുന്ന വിശ്വാസികളുടെ മഹാസംഗമമായി ഈ വർഷത്തെ നേർച്ച മാറുമെന്ന പ്രതീക്ഷയും പ്രകടിപ്പിച്ചു.

— Voice of Manjeshwaram News Desk