സെന്‍സസ് 2027ന്റെ ഭാഗമായി പൊതുജനങ്ങള്‍ക്ക് സ്വന്തം വീടുകളിലെ വിവരങ്ങള്‍ ഓണ്‍ലൈനായി നേരിട്ട് സമര്‍പ്പിക്കാന്‍ (Self Enumeration) അവസരം ലഭ്യമാക്കുന്നു. 2026 ജൂണ്‍ 16 മുതല്‍ 30 വരെയാണ് ഇതിനായി സമയം അനുവദിച്ചിരിക്കുന്നത്.
സെന്‍സസ് ഉദ്യോഗസ്ഥര്‍ വീടുകളിലെത്തുന്നതിന് മുന്‍പ് തന്നെ കുടുംബ വിവരങ്ങള്‍ ഓണ്‍ലൈനായി നല്‍കാനാകുന്ന സംവിധാനം തന്നെയാണ് സെല്‍ഫ് എന്യൂമറേഷന്‍. സാധാരണയായി 15–20 മിനിറ്റിനുള്ളില്‍ ഈ പ്രക്രിയ പൂര്‍ത്തിയാക്കാന്‍ സാധിക്കും.
—
എങ്ങനെ രജിസ്റ്റര്‍ ചെയ്യാം?
1. https://se.census.gov.in എന്ന വെബ്സൈറ്റ് സന്ദര്‍ശിക്കുക
2. നിങ്ങളുടെ സംസ്ഥാനം തിരഞ്ഞെടുക്കുക
3. കുടുംബനാഥന്റെ പേര്, മൊബൈല്‍ നമ്പര്‍ നല്‍കി രജിസ്റ്റര്‍ ചെയ്യുക
ഒരു മൊബൈല്‍ നമ്പര്‍ ഒരു കുടുംബത്തിന് മാത്രമേ ഉപയോഗിക്കാനാകൂ
4. ഇഷ്ടമുള്ള ഭാഷ തിരഞ്ഞെടുക്കുക
ഒരിക്കല്‍ തിരഞ്ഞെടുത്ത ഭാഷ പിന്നീട് മാറ്റാന്‍ സാധിക്കില്ല
5. ഒ.ടി.പി. വഴി വെരിഫിക്കേഷന്‍ പൂര്‍ത്തിയാക്കുക
—
വിവരങ്ങള്‍ നല്‍കേണ്ട വിധം
പോര്‍ട്ടലില്‍ കാണുന്ന മാപ്പില്‍ നിങ്ങളുടെ വീടിന്റെ കൃത്യമായ സ്ഥാനം ‘റെഡ് മാര്‍ക്കര്‍’ ഉപയോഗിച്ച് അടയാളപ്പെടുത്തണം
കുടുംബാംഗങ്ങളുമായി ബന്ധപ്പെട്ട ചോദ്യങ്ങള്‍ക്ക് മറുപടി നല്‍കുക
നല്‍കിയ വിവരങ്ങള്‍ പരിശോധിച്ച് ഫൈനല്‍ സബ്മിറ്റ് ചെയ്യുക
—
സബ്മിറ്റ് ചെയ്തതിന് ശേഷം
വിജയകരമായി വിവരങ്ങള്‍ നല്‍കിയാല്‍ 11 അക്ക Self Enumeration ID (SE ID) ലഭിക്കും
സെന്‍സസ് ഉദ്യോഗസ്ഥര്‍ വീട്ടിലെത്തുമ്പോള്‍ ഈ ഐഡി നല്‍കിയാല്‍ മതിയാകും
ഇതിലൂടെ നല്‍കിയ വിവരങ്ങള്‍ ഡിജിറ്റലായി സ്ഥിരീകരിക്കപ്പെടും
—
ശ്രദ്ധിക്കേണ്ട കാര്യങ്ങള്‍
ജൂണ്‍ 30-നകം വിവരങ്ങള്‍ സമര്‍പ്പിക്കാത്തവര്‍ക്ക് ഈ ഓണ്‍ലൈന്‍ സൗകര്യം ലഭ്യമാകില്ല
അത്തരക്കാരുടെ വിവരങ്ങള്‍ സെന്‍സസ് ഉദ്യോഗസ്ഥര്‍ നേരിട്ട് ശേഖരിക്കും
—
ജില്ലാ കളക്ടര്‍ കൂടിയായ പ്രിന്‍സിപ്പല്‍ സെന്‍സസ് ഓഫീസര്‍ പൊതുജനങ്ങളോട് ഈ സൗകര്യം പരമാവധി പ്രയോജനപ്പെടുത്തണമെന്ന് അഭ്യര്‍ഥിച്ചു. കൂടുതല്‍ വിവരങ്ങള്‍ക്കും മാര്‍ഗനിര്‍ദ്ദേശങ്ങള്‍ക്കും പോര്‍ട്ടലില്‍ യൂസര്‍ ഗൈഡും ലഭ്യമാണ്.
—
Voice of Manjeshwaram റിപ്പോർട്ട്